Victoria Beckham pozoi të martën teksa promovoi gamën e trupit të saj Victoria Beckham në një video të mrekullueshme në Instagram. 48-vjeçarja zgjodhi një palë stileto të zeza ndërsa tregonte veshjen në një pasqyrë.

Victoria i ka stiluar flokët e saj të shkurtra brune me valë të lirshme, ndërsa ka një gamë grimi me ngjyrë bronzi. Ish-Spice Girl zbuloi se stilet dhe ngjyrat e reja të gamës së saj janë lançuar dhe u tha 30.2 milionë ndjekësve të saj:

Shpresoj që t’ju pëlqejnë pjesët e reja po aq sa unë!

Bukuroshja gjithashtu pohoi se veshjet e reja do t’i përshtaten çdo forme trupore, ndërsa e gjelbra është super për të gjitha nuancat e lëkurës. Kjo vjen pasi u raportua se ka një luftë të ftohtë midis Victoria Beckham dhe nuses së saj të re, Nicola Peltz.

Pas shumë spekulimesh, lajmin e ka konfirmuar edhe një burim i afërt me familjen për Page Six. Peltz është e martuar prej pak kohësh me Brooklyn Beckham, djalin e madh të Victoria dhe David Beckham. Por, me sa duket, tensionet janë krijuar që para dasmës. Një burim pranë familjes konfirmoi se:

Ato nuk e durojnë dot njëra-tjetrën dhe nuk flasin. Organizimi i dasmës ishte i tmerrshëm.