Aktori i famshëm amerikan, Kellan Lutz, është bërë baba për herë të dytë. Lajmi është konfirmuar nga bashkëshortja e aktorit përmes rrjetit social Instagrami duke treguar me anë të një fotoje emocionuese se kanë mirëpritur një djalë të quajtur Kasen. Foshnja e tyre erdhi në jetë më 10 gusht.

Ndërkaq, në mbishkrimin e fotos shkruhej:

Faleminderit për të gjithë dashurinë dhe lutjet. Shumë e bekuar dhe nuk mund të besoj që Zoti na ka dhënë një tjetër dhuratë të çmueshme.

Rikujtojmë se dyshja njoftuan në shkurt se vajza e tyre 1-vjeçare, Ashtyn, do të bëhej së shpejti me një vëlla. Kellan ka qenë më i njohur për publikun që nga roli i tij në filmin “Twilight”.