Nga jeta në Belgjikë te angazhimi me skuadrën holandeze, kush është talenti shqiptar që ëndërron të veshë fanellën e kombëtares
![](https://www.vovmagazine.al/wp-content/uploads/2022/02/56-2-150x150.png)
![Nga jeta në Belgjikë te angazhimi me skuadrën holandeze, kush është talenti shqiptar që ëndërron të veshë fanellën e kombëtares](https://www.vovmagazine.al/wp-content/uploads/2022/08//nga-jeta-ne-belgjike-te-angazhimi-me-skuadren-holandeze-kush-eshte-talenti-shqiptar-qe-enderron-te-veshe-fanellen-e-kombetares.jpg)
Alesio Pano sot është vetëm 16-vjeç por kur shkel në fushën e blertë duket sikur ka një jetë që ka luajtur futboll.
I riu me origjinë shqiptare ka lindur në Belgjikë aty ku familja e tij është shpërngulur prej shumë vitesh dhe ku prej kohësh kultivon pasionin për futbollin.
Prej tre vitesh Pano është portieri kryesor i ekipit profesional në Hollandë, Roda JC Kerkrade.
I pozicionuar në portën e skuadrës, ai ka spikatur shpesh herë në seancat stërvitore për shkak të talentit të tij.
Talenti i tij duket se i ka rënë në sy edhe kombëtares shqiptare e cila ka afruar Panon në listën e talenteve për t’u bërë pjesë e skuadrës kuq e zi të 17-vjeçarëve.
Përveç futbollit, Pano nuk lë pas dore edhe pasionin për të ndjekur studimet duke vijuar me rezultate të larta.
Megjithatë ëndrra e tij është që një ditë të luajë për kombëtaren shqiptare në fushën e blertë.