Qindra ton peshq të ngordhur në lumin Oder, thellohet misteri në kufirin polako-gjerman!

vovalbania August 27, 2022 0 koment 1 Mund të lexoni në minuta.
Qindra ton peshq të ngordhur në lumin Oder, thellohet misteri në kufirin polako-gjerman!

Qindra tonë peshq mendohet të kenë ngordhur në lumin Oder, në kufirin midis Gjermanisë dhe Polonisë. Ndërkohë, autoritetet lokale kanë paralajmëruar banorët të mos kenë kontakte me ujin, shkruan BBC.

Pavarësisht javëve të hetimit, ekspertët nga të dy vendet nuk kanë qenë në gjendje të përcaktojnë saktësisht se çfarë e shkaktoi ngordhjen e peshqëve. Shkencëtarët dyshojnë se dikush e ka ndotur ujin me një substancë që duket se ka shkaktuar nivele të larta të kripës.

Kjo bëri që algat të gjenin terren dhe të lulëzonin. Sipas ekspertëve toksinat që ka lëshuar substanca kanë shkaktuar ngordhjen e peshqëve duke ndotur më pas ujin. Një reaksion zinxhir vdekjeprurës kimik, i cili, sipas tyre, mund të jetë përkeqësuar nga vera e nxehtë dhe nivelet e ulëta të lumenjve. Por ata ende nuk e dinë shkakun e vërtetë të fenomenit. Andrzej Kapusta, ekspert nga Instituti i Peshkimit tha:

Shkalla e kësaj fatkeqësie ekologjike është e paprecedentë në Poloni. Është një katastrofë. Ne kurrë nuk kemi gjetur kaq shumë krijesa të ngordhura, kaq shumë peshq të ngordhur, molusqe apo kërmij. Është hera e parë që ndodh dhe është një paralajmërim serioz.

Policia ka intervistuar më shumë se 200 dëshmitarë dhe ka hetuar 12 vende. Ata kanë ofruar madje një shpërblim prej më shumë se 200,000 eurosh për këdo që jep informacion që do të çojë në arrestimin e autorit. Peshkatarët pranë Gliwice të cilët thanë se kishin parë edhe peshq të ngordhur në mars, shprehën skepticizëm nëse do të kapej personi përgjegjës.

Dikush është përgjegjës, dikush është fajtor, por ndoshta nuk do ta zbulojmë kurrë se kush.

Hetuesit, megjithatë, kanë zbuluar rreth 300 tuba kanalizimesh të paregjistruara dhe po hetojnë rreth 60 prej tyre në lidhje me ngordhjet e peshqëve. Autoritetet në të dyja anët e Oderit kanë pranuar gabimet në trajtimin e çështjes. Ekspertët, si Andrzej Kapusta, thonë se është e rëndësishme të rishikohet mënyra se si po menaxhohet lumi. Ata janë të shqetësuar se diçka e tillë mund të ndodhë përsëri veçanërisht në momente kur ende nuk dihet shkaku.

Ne kemi nevojë për një sistem monitorimi të saktë, një monitorim online që do të informojë autoritetet adekuate sa më shpejt. Në raste të tilla nevojitet një përgjigje më e shpejtë për të parandaluar fatkeqësi të tilla.

Biletë:

vovalbania

Redaktori nuk ka dhënë ende asnjë informacion për veten e tij.

Total 54526 ka shpërndarë postimin.
MEDIAT SOCIALE