Mohoi se kanë qenë në një lidhje, modelja Sumner Stroh “nxjerr bllof” Adam Levine!
Së, fundmi pasi këngëtari Adam Levine mohoi se ka pasur lidhje me të, modelja Sumner Stroh e ka thumbuar duke shkruajtur në Instagram: “Dikush t’i japë këtij njeriu një fjalor”. Modelja pretendoi se Adam e kishte tradhtuar gruan e tij me të. Për me tepër, ajo publikoi dhe disa mesazhe, në të cilat këngëtari thoshte se donte që t’i vinte emrin e saj fëmijës që gruaja e tij po priste.
Modelja pohoi për ‘Page Six’ se ajo dhe Levine kishin një marrëdhënie fizike në 2021. Levine ka hedhur poshtë akuzat se ka pasur një lidhje 1-vjeçare me modelen ndërsa gruaja e tij, Behati Prinsloo ishte shtatzënë. Ata janë prindër të dy vajzave, Dusty Rose dhe Gio Grace dhe së fundmi konfirmuan se po presin fëmijën e tyre të tretë.
Por, historia e mesazheve flirtuese nuk mbaron me kaq. Të tjera akuza kanë ardhur në ‘adresë’ të Adam nga dy modele të tjera të cilat pretendojnë se këngëtari u ka dëguar mesazhe flirtuese në Instagram. Menjëherë pasi pretendimet e Sumner Stroh të cilat Levine i ka mohuar u bënë virale, një grua e quajtur Alyson Rose ndau mesazhet e saj të supozuara me këngëtarin e Maroon 5.
Një grua tjetër, komediania Maryka, ndau në Story në Instagram mesazhet e supozuara me Levine, i cili edhe asaj i thoshte se ishte i fiksuar pas saj. Rikujtojmë se Levine është i martuar me modelen e ‘Victoria’s Secret’, Behati Prinsloo që nga viti 2014. Dyshja kanë vajzat Dusty Rose, 5 vjeçe dhe Gio Grace, 4-vjeçe dhe janë në pritje të fëmijës së tretë të tyre.