Së fundmi, modelja e njohur Daisy Lowe ka njoftuar se është në pritje të fëmijës së parë me të fejuarin, Jordan Saul. 33-vjeçarja, lajmin e ka bërë të ditur përmes një postimi të shpërndarë në Instagram teksa ka shkruar:

Dua të ndaj disa lajme për ju, Jordan dhe unë do të kemi një fëmijë. Ne jemi duke ‘shpërthyer’ nga lumturia. Shumë dashuri për të gjithë ju.

Ndërkaq, lajmi për fëmijën vjen pasi Daisy dhe Jordan njoftuan martesën në fillim të këtij muaji. Çifti janë në lidhje për më shumë se dy vjet. Rikujtojmë, se Daisy është vajza e kitaristit Bush Gavin Rossdale dhe stilistes Pearl Lowe.