Pavarësisht se roli i saj i fundit ishte 7 vjet e gjysmë më parë, Eva Mendes thotë se nuk e la kurrë aktrimin. Nëna e dy fëmijëve sqaroi gjithçka për të gjithë ata që menduan se ajo u tërhoq nga Hollywood-i. 48-vjeçarja postoi një video në Instagram duke diskutuar mungesën e saj të gjatë nga industria e argëtimit, teksa shtoi se thjesht zgjodhi t’i jepte përparësi familjes së saj.

Doja të isha në shtëpi me fëmijët e mi. Fatmirësisht sipërmarrjet e mia të tjera të biznesit më lejuan ta bëja këtë më shumë sesa aktrimi.

Roli i fundit i aktores së famshme ishte në “Lost River” në vitin 2015. Ajo shpjegoi në postimin e saj në Instagram se pjesët me të cilat u prezantua pas atij filmi thjesht nuk ishin në standardet e saj. Aktorja u shfaq në “The View” së fundmi dhe zbuloi se do t’i rikthehej aktrimit vetëm me një kusht.

Kam një listë kaq të shkurtër të asaj që do të bëj. Nëse do të ishte një projekt argëtues do të pranoja, refuzoj të bëj skena dhune apo seksuale.

Rikujtojmë, se Mendes është bashkëpronare dhe ambasadore e markës për Skura Style, një “sfungjer i zgjuar” që ju tregon se kur është koha për të zëvendësuar mjetet e pastrimit të kuzhinës.