Miqtë e Kanye West thuhet se janë shumë të shqetësuar për reperin pas ndodhive të fundit. Burime të brendshme pranë reperit thonë se nuk kanë asnjë dyshim se sjellja dhe veprimet e fundit të tij janë si rezultat i një krize mendore dhe besojnë se është një nga problemet më serioze që ka pësuar ai.

Gjithshtu thuhet se ylli i “Watch the Throne” mezi po fle, gjë që është një problem që mendohet se ka kontribuar në shtrimin e tij në spital në vitin 2016. Burime pranë artistit thonë që sjellja e tij e çuditshme filloi kur pushoi nga puna publicistin për shfaqjen e tij të modës në Paris, hodhi poshtë planet që kishte për shfaqjen dhe organizoi një të re ku mori vëmendje me bluzën me sloganin “White Lives Matter”.

Që atëherë, ka pushuar nga puna konsulentë dhe këshilltarë që nuk janë pajtuar me të ose i kanë rezistuar ideve të tij, thanë burimet, të cilat janë konsideruar gjerësisht si antisemite ose raciste. Ai po përpiqet gjithashtu të punësojë një ekip të ri të orientuar drejt politikës dhe tha se dëshiron të fokusohet në krijimin e një platforme për një garë të dytë presidenciale në vitin 2024.

Miqtë e tij janë duke u përpjekur për t bindur atë që të kërkojë ndihmë profesionale ose të zbusë sjelljen e tij të çuditshme. Më herët Kanye u shtrua në spital për shkak të problemeve me shëndetin mendor në vitin 2016 dhe në 2019, teksa u tha se vuan nga çrregullimi bipolar.

Rikujtojmë se, llogaria e Kanye West në Instagram u bllokua për shkeljen e politikave të faqes me një postim të dukshëm anti termave, ndërkohë, miliarderi Elon Musk i bëri një mirëseardhje të ngrohtë Ye në kthimin e tij në Twitter. Llogaria e Kanye West në Twitter kishte mbetur joaktive për gati dy vjet dhe iu desh një kufizim në Instagram që manjatit i “Yeezy” të përdorte faqen e mikroblogimit edhe një herë, dhe këtë e bëri pikërisht në mes të polemikave.