Së fundmi, Papa Françesku ka paralajmëruar seminaristët për pornografinë. Në një takim me seminaristët që studiojnë në Romë, Papa nënvizoi:

Është një ves që ndiqet nga kaq shumë njerëz, kaq shumë laikë. Gjithashtu ndiqet edhe nga priftërinj dhe murgesha. Nga atje hyn djalli. Nuk po flas vetëm për pornografi kriminale si ajo e abuzimit të fëmijëve. Ky është një degjenerim. Po flas për pornografi normale. Të dashur vëllezër dhe motra, kujdes nga kjo.

Për seminaristët e rinj, Papa tha se në vend të kësaj telefonat celularë dhe të gjitha pajisjet digjitale duhet të përdoren vetëm për të kërkuar ndihmë:

Duhet t’i përdorësh vetëm për këtë, si ndihmë për të ecur përpara apo për të komunikuar. Zemra e pastër, ajo që Jezusi kërkon çdo ditë, nuk mund ta marrë këtë informacion pornografik. Nëse mund ta fshini këtë nga celulari juaj, fshijeni atë kështu që nuk do të keni tundimin pranë. Mbrohu mirë që të mos hyni më. Unë po ju them se është diçka që e dobëson shpirtin. Prej andej hyn djalli, dobëson zemrën priftërore. Më falni nëse po hy në këto detaje për pornografinë, por ka një realitet, një realitet që prek priftërinjtë, seminaristët, murgeshat, shpirtrat e shenjtëruar. E kuptoni? Kjo është e rëndësishme!