Spikerja e lajmeve e cila deri më sot e kemi parë në TVKlan, do të jetë në një ekran tjetër. Bëhet fjalë për Brikena Priftin, e cila do të jetë në emisionin e pasdites në Vizionit Plus.

Kryefjala.com ka mësuar se spikerja e lajmeve të Tv Klan, Brikena Prifti do të braktis televizionin ku kemi vite që e shohim, për programin e pasdites në Vizion Plus.

Prifti do të zëvendësojë kështu Evi Reçin e cila e drejtoi pasditen e Vizionit për tre vite radhazi. Për Brikenën kjo është eksperienca e saj e parë si moderatore e një emisioni,pasi e kemi parë gjithnjë si spikere lajmesh në Fax Tv dhe Tv Klan.