Së fundmi yjet e TikTok, Dixie D’Amelio dhe Noah Beck, i kanë dhënë fund lidhjes pas dy vitesh së bashku. Përfaqësuesit e Beck thanë për New York Times se:

Ne mund të konfirmojmë se dyshja nuk janë më bashkë. Ata shpresojnë të mbeten miq të ngushtë pavarësisht ndarjes së tyre.

Lajmi vjen pas muajsh spekulimesh se dyshja u ndanë, pasi Beck nuk mori pjesë në festën e ditëlindjes së 21-të të D’Amelio në Las Vegas. Në të njëjtën kohë, fansat vunë re se çifti nuk po postonin më së bashku në TikTok, gjë që D’Amelio shpjegoi se ishte një përpjekje për të shpëtuar marrëdhënien e tyre. Ajo tha për Entertainment Tonight në shtator se:

Ne jemi bashkë, por e mbajmë lidhjen offline. Natyrisht, i bën gjërat më të komplikuara duke i mbajtur gjërat offline, por në fund të ditës ka kaq shumë përpjekje për të ndërtuar një karrierë dhe përpjekje për të kuptuar nëse jemi vërtet të lumtur.

Dyshja të cilët u bënë të famshëm gjatë pandemisë COVID-19 duket se janë ndarë përfundimisht këtë herë. Ish-çifti konfirmoi lidhjen e tyre në shtator 2020, kur u puthën në videoklipin “Be Happy” të D’Amelio. Rikujtojmë, se Khaby Lame së fundmi u bë personi më i ndjekur në TikTok, me 149.5 milionë fansa dhe 2.4 miliardë pëlqime në platformë. Në një intervistë për “Fortune”, 22 vjeçari ka zbuluar se sa paguhet për një postim. Ai mund të fitojë deri në 750 mijë dollarë për një video në TikTok. Khaby vlerësohet të fitojë rreth 10 milionë dollarë këtë vit.