Volvo së fundmi ka tërhequr nga tregu mbi 100 mijë makina. Arsyeja për këtë është një problem i mundshëm me softuerin në modulin e kontrollit të frenave, siç shpjegohet nga zëdhënësi i prodhuesit suedez. Disa versione të XC40, C40, S60, V60, V60 Cross Country, XC60, S90, S90L, V90, V90 Cross Country dhe XC90 kërkojnë shërbim urgjente. Shumica e makinave të prekura nga ky problem janë të vitit 2022 (viti i modelit 2023), thuhet në deklaratë.

Në raste të rralla, një problem me softuerin mund të shkaktojë humbjen e funksionit të ndihmës elektronike të frenimit gjatë drejtimit. Sipas prodhuesit, edhe atëherë mund të frenoni. Pronarët e automjeteve të prekura duhet të shkojnë në një qendër shërbimi të autorizuar sapo të marrin letrën e tërheqjes. Kostot e shërbimit përballohen nga prodhuesi.

Rikujtojmë, se Instituti i Sigurimeve për Sigurinë në Autostrada njoftoi se Volvo XC40 i vetmi SUV i vogël i testuar mori vlerësimin më të lartë të mundshëm sa i përket sigurisë në rrugë që tregon rrezikun minimal të lëndimeve për të gjithë pasagjerët. Për të arritur këtë vlerësim automjetet duhet të tregojnë jo vetëm rrezikun minimal të lëndimeve për pasagjerët e rreshtit të parë, por duhet gjithashtu të tregojnë rrezik minimal lëndimesh edhe për pasagjerët e rreshtit të dytë.