Një artist që krijon hite dhe gjithmonë është unik në llojin e tij, Harry Styles hapi ceremoninë e “BRIT Awards 2023” në O2 Arena në Londër të shtunën mbrëma me hitin e tij që që nga dita e publikimit dhe deri më tani kryeson listat, “As It Was”. Artistët në Mbretërinë e Bashkuar dhe ndërkombëtarë u mblodhën në arenën e mbushur plot për të festuar më të mirët në muzikën britanike, me Harry Styles që mori në shtëpi çmimet e albumit të vitit, artistit të vitit, kënga e vitit dhe aktit më të mirë Pop/R-and-B.

Shfaqja ishte e këndshme për adhuruesit e të gjitha zhanreve, me performanca nga Wet Leg, Lewis Capaldi, Stormzy, Sam Smith dhe Kim Petras, Cat Burns dhe Lizzo-e cila performoi një përzierje hitesh nga albumi i saj “Special”. Fituesi i Producentit të Vitit David Guetta doli gjithashtu në skenë për të performuar së bashku me Sam Ryder, Becky Hill dhe Ella Henderson.

Por përveç performancave të veçanta dhe mjaft të bukura, veshjet e artistëve këtë vit lanë shumë vend për diskutim. Yjet në tapetin e kuq zgjodhën një përzierje siluetash të pazakonta, xixa, veshje metalike dhe perla pafund. Kishte diçka më tepër për shijet e modës të të gjithëve këtë vit – plus shumë të tjera përveç kësaj.Disa yje zgjodhën pamjet tradicionale të tapetit të kuq, ndërsa të tjerët kishin veshur veshje jokonvencionale, të garantuara për të tërhequr vëmendjen.

Më shumë se 50 artistë u nominuan për ceremoninë e madhe të ndarjes së çmimeve, Brit Awards 2023. Por ishte artisti Harry Styles ai i cili kryesoi me më së shumti çmime të fituara, i pasuar nga Wet Leg dhe Beyonce me nga dy secili. Për të parë listën e plotë të fituesve mjafton të klikoni këtu.