“Bashkimi Evropian mbështet fuqishëm aktivitetet e Ecowas dhe qëndrimin që ka marrë. Jemi në pritje të takimit të jashtëzakonshëm të thirrur të enjten. Mendojmë se deri atëherë ka ende hapësirë ​​për ndërmjetësim”. Kështu deklaroi zëdhënësi i politikës së jashtme të BE-së, Peter Stano për zhvillimet e grushtit të shtetit në Niger.

“Ne jemi në kontakt me vendet anëtare dhe me Ecowas”, theksoi zëdhënësi, duke përsëritur mbështetje të plotë për çdo vendim që do të merret nga Komuniteti Ekonomik i Shteteve të Afrikës Perëndimore.

“Menaxhimi i migracionit është një nga problemet e shumta që paraqet situata në Niger sepse grushti i shtetit “përfaqëson një rrezik të përgjithshëm për stabilitetin dhe sigurinë në të gjithë rajonin. Nëse grushti i shtetit lejohet të avancojë, nuk do të ketë pasoja pozitive.

Siç është parë tashmë në rajon, sa herë që ka pasur një grusht shteti ushtarak dhe përmbysje të institucioneve demokratike, kjo ka sjellë rreziqe sigurie, duke përfshirë paaftësinë e komunitetit ndërkombëtar për të ndihmuar në rregullimin e flukseve të migracionit”, theksoi zëdhënësi.