U tha se kishte ndërruar jetë, reagon reperja 14-vjeçare Lil Tay: “Jam gjallë…”!
Së fundmi nëpër media qarkulloi lajmi që reperja e rrjeteve sociale Lil Tay, emri i vërtetë i të cilit është Claire Hope, kishte ndërruar jetë në moshën 14-vjeçare, së bashku me vëllain e saj. Por, mesa duket kanë qenë lajme të rreme. Reperja ka reaguar duke thënë se është gjallë. Ajo ka dhënë një intervistë për TMZ dhe ka deklaruar se profilet e saj janë ‘hackuar’.
Pas shumë hetimeve dhe përpjekjeve nga vetë Tay për të rikthyer llogarinë e saj në Instagram, ajo falënderoi ‘Meta-n’ që e ndihmoi për këtë.
Dua të bëj të qartë se unë dhe vëllai im jemi të sigurt dhe të gjallë, por jam plotësisht e thyer në zemër dhe po përpiqem të gjej fjalët e duhura për të thënë. Kanë qenë një 24 orë shumë traumatizuese. Gjithë ditën dje unë u bombardova me telefonata të pafundme zemërthyese dhe me lot nga njerëzit e dashur gjatë gjithë kohës duke u përpjekur të zgjidhja këtë rrëmujë. Llogaria ime në Instagram u komprometua nga një palë e tretë dhe përdorej për të përhapur dezinformata dhe thashetheme rrëqethëse në lidhje me mua, deri në atë pikë sa edhe emri im ishte gabim. Emri im ligjor është Tay Tian, jo Claire Hope.
Kohët e fundit reperja ka nisur një betejë ligjore kundër prindërve të saj. Thuhet se babai biologjik i Lil Tay ka qenë abuzues ndaj saj dhe vëllait.