Aktori i njohur Rami Malek ka konfirmuar lidhjen e tij me Emma Corrin të “The Crown”, teksa ata u panë duke u puthur një muaj pasi u fotografuan së bashku. Sipas The Sun, fituesi i “Oscar” dhe ylli i Netflix e cila identifikohet si jo-binare, kanë shijuar një sërë takimesh pas ndarjes së tij nga Lucy Boynton.

“Ata ishin shumë ta pasionuar dhe shikonin në sy njëri-tjetrin. Ata putheshin dhe dukej se nuk e kishin mendjen se kush mund t’i shihte”,-tha një dëshmitar okular. “Rami dhe Ema thjesht dukeshin të lidhur me njëri-tjetrin dhe nuk i kushtonin vëmendje askujt tjetër”, shtoi burimi. Dyshja u panë bashkë për herë të parë në koncertin e Bruce Springsteen në BST Hyde Park në Londër më 8 korrik. Kjo vjen pas raportimeve se ylli i “No Time To Die” dhe aktorja Lucy ishin ndarë pas më shumë se pesë vitesh së bashku.