Qeshja shkakton një lloj shtypje në bark, e cila shpeshherë i bën gratë të ndiejnë nevojën për të urinuar. Gratë e ndiejnë më shumë sesa meshkujt nevojën për të urinuar në raste të tilla sepse kanë uretër më të shkurtër. Kur qeshni ose bëni gjëra tjera të cilat shkaktojnë presion në abdomen, siç është teshtitja, kolla, ngritja e objekteve të rënda, shkaktohet nje ndjenjë e pavullnetshme e nevojës së urinimit e cila njihet si mospërmbajtje nga stresi.

Te shumica e grave të shëndetshme, ky fenomen zakonisht nuk ndodh. Zakonisht mospërmbajtja e urinimit ndërlidhet me muskuj të dobët unazor dhe të komblikut. Urinimi i shpeshtë është zakonisht një shenjë se keni pirë shumë lëngje, por nëse mendoni se nuk po merrni mjaftueshëm lëngje për të urinuar aq shpesh, mund të nënkuptojë se keni një problem të caktuar shëndetësor.

Edhe pse mund të jetë e pakëndshme për t’u diskutuar, shkuarja në tualet është një funksion biologjik thelbësor për ruajtjen e shëndetit dhe mirëqenies sonë. Është një sinjal nga trupi se ka mbeturina të grumbulluara që duhet të eliminohen. Ky proces lejon eliminimin e toksinave nga trupi, gjë që ndihmon në ruajtjen e ekuilibrit dhe funksionimin e duhur të sistemit tonë të tretjes dhe veshkave.

Të ndrydhësh nevojën për të shkuar në tualet për periudha të gjata kohore mund të shkaktojë shqetësim dhe të rrisë rrezikun e problemeve shëndetësore, si infeksionet e traktit urinar. Në një artikull për “The Sun”, Dr Sarah Jarvis argumentoi se lëvizjet e zorrëve ndikohen nga një “larmi faktorësh”.