Shumë njerëz besojnë se “Rruga e Dashurisë” është vendi më romantik në botë, një vend i mrekullueshëm ku deti puth qiellin.  Via dell’Amore, që do të thotë “Rruga e dashurisë”, është një shteg ecjeje 121 km që gjarpëron nëpër pesë fshatrat italiane që përbëjnë Cinque Terre, një zonë e mbrojtur nga UNESCO.

Rruga apo shtegu i dashurisë u mbyll pas një rrëshqitjeje dheu në vitin 2012, por pas një rinovimi të gjatë, pjesa e parë u rihap për vizitorët deri më deri më 30 shtator. I gjithë shtegu do të rihapet në korrik 2024. Ky vend quhet nga shumë peizazhi më romantik në botë, sepse të ecësh përgjatë shtegut që përqafon detin me një pamje hyjnore të blusë që shkrihet me qiellin, është vërtet diçka e mahnitshme.

Në rrugën e dashurisë, ka një vend ku çiftet varin drynat me emra dhe mesazhe dashurie, në mënyrë që romanca e tyre të zgjasë përgjithmonë dhe të mbrohet nga çdo gjë. Gjithashtu ka vende të shënuara me statuja puthjeje dhe besohet se në “rrugën e dashurisë” kanë ndodhur disa nga historitë më të bukura romantike, propozimet, puthjet e para e ndoshta edhe këngët e dashurisë.

Kjo zonë është nën mbrojtje dhe është e rëndësishme ta mbrosh atë nga një numër i madh turistësh. Në “Rrugën e Dashurisë” tashmë mund të aksesohet vetëm me një udhërrëfyes me një hyrje që kushton rreth 5 euro. Ka pika kontrolli përgjatë rrugës për këmbësorët për të blerë një kartë për ecje të mëtejshme, e cila ju lejon të përdorni ambientet e parkut. Çmimi varion nga 7,50 € për një ditë dhe 14,50 € për dy ditë. Ju gjithashtu mund të blini një kartë që ju jep akses në shtigjet e ecjes dhe udhëtim të pakufizuar me tren përgjatë itinerarit. Çmimi është 18.20 euro për një ditë, 33 euro për dy ditë dhe 47 euro për tre ditë.