Në dy javët e para të muajit gusht u shuan 95 vatra zjarri
Në dy javët e para të muajit gusht janë shuar 95 vatra zjarri. Lajmin e bën të ditur ministri i Mbrojtjes, Niko Peleshi, i cili ndër të tjera thekson rëndësinë që kanë vigjilenca e komuniteteve, sinjalizimi dhe reagimi në kohë, duke i veçuar si faktorë kryesorë për parandalimin e ngjarjeve që mund të rrezikojnë jetën e qytetarëve e pasuritë e vendit.
Ndërkohë, po referuar të dhënave zyrtare ishin rreth 212 vatra zjarri që u fikën në kohë në muajt qershor-korrik.
95 vatra zjarri të raportuara gjatë dy javëve të para të muajit gusht janë shuar në kohë, falë ndërhyrjes së shpejtë të forcave të emergjencës, nën koordinimin e Agjencisë së Mbrojtjes Civile dhe bashkëpunimit të frytshëm me komunitetin.
Përmirësimi i sistemit të reagimit ka bërë të mundur që asnjë nga këto vatra të mos marrë përmasa të parikuperueshme. Rreth 212 vatra zjarri u fikën në kohë në muajt qershor-korrik.
Vigjilenca e komuniteteve, sinjalizimi dhe reagimi në kohë, faktorë kryesorë për parandalimin e ngjarjeve që mund të rrezikojnë jetën e qytetarëve e pasuritë e vendit.