Regjisori italian Luca Guadagnino nuk është i panjohur sa i përket stilit të tij. Kujtoni këmishën e veshur nga Elio zemërthyer (i luajtur nga Timothée Chalamet) në skenën e fundit të Call Me By Your Name. Në jetën e tij, gjithashtu, Guadagnino është adhurues i një këmishëje. Këmisha LOEWE që ai veshi në Festivalin e Filmit të Venecias 2022,  është një shembull i tillë.

Megjithatë, këmisha më e ‘zhurmshme’ e Guadagnino-s cila është? Kjo do të ishte ajo e veshur nga Ralph Fiennes në një sekuencë kërcimi të A Bigger Splash. Në filmin e vitit 2016, Fiennes luan Harry Hawke, një producent muzikor 50-vjeçar, i cili ndërpret pushimet që ish e dashura e tij, ylli i muzikës rock Marianne (luajtur nga zonja Tilda Swinton), po shijon paqësisht me të dashurin e saj fotografin, Paul ( luajtur nga z. Matthias Schoenaerts) në ishullin sicilian të Pantelleria.

Ndërsa garderoba e reformuar e Marianne-s përbëhet nga fustane të stiluara nga Raf Simons, pamja e Harry-t është ndryshe. Ai vesh pantallona të gjera nga rrobaqepësja milaneze M.Bardelli dhe këmisha Charvet. Për sekuencën e tij të kërcimit, Harry devijon nga Charvet, por e njëjta frymë e çuditshme mbetet. Pasi nisi garat e notit me Paulin dhe i bindi të gjithë të hanin peshk të pjekur në kripë, ai luan këngën “Emotional Rescue” nga The Rolling Stones (me të cilët punonte dikur) në disko. Harry vesh një këmishë të bardhë, jeshile dhe gri me stampa gjeometrike nga Lemaire.

I shkujdesur dhe veror nga njëra anë, ky stil duhet i përshtatshëm për Harry-n ndërsa ai vërtitet me lëvizje si Sir Mick Jagger, duke treguar bustin e tij për të rifituar Marianne-n. . “A nuk ka asgjë që mund të them, asgjë që mund të bëj për të ndryshuar mendjen tuaj? Jam shumë i dashuruar me ty,”-vijon teksti.

Komploti i A Bigger Splash bazohet lirshëm në thrillerin psikoseksual të Jacques Deray të vitit 1969, La Piscine, ku luan Maurice Ronet në rolin e Harry-t dhe Alain Delon në rolin e Paul.  Ndërkohë, Pauli është disi i maskuar në gardërobën e tij, me stampa lulesh, trikotazhe të buta dhe pantallona të shkurtra jeshile që simbolizojnë xhelozinë. Në versionin e Guadagnino, dinamika të ngjashme sartoriale janë në lojë. Paul, i cili shikon anash ndërsa Harry kërcen, ka veshur një uniformë me bluza gri, syze dielli reflektuese dhe pantallona të shkurtra xhins.

Në fund të sekuencës, Harry vazhdon të kërcejë në oborr, energjia e tij në dukje shumë e tepruar për t’u mbajtur nga katër mure. Kur ai nuk ka veshur Charvet ose Lemaire, Harry shpesh përshkruhet krejtësisht i zhveshur: duke u zhytur me shpirt të lirë në pishinë dhe duke luftuar me Paulin në takimin e dhunshëm, të ngarkuar erotikisht. Harry ndoshta bën zhurmën më të madhe kur nuk vesh fare këmishë.