Një ekip prej 8 kirurgësh ka kryer me sukses transplantin e parë të mitrës në Mbretërinë e Bashkuar. Një grua 40-vjeçare i dhuroi mitrën motrës së saj 34-vjeçare. Të dyja gratë janë aktualisht në gjendje të mirë, pas dy operacioneve që zgjatën 17 orë. Pacientja, e cila dëshiron të mbetet anonime, ka lindur pa një mitër funksionale për shkak të një problemi të rrallë të quajtur sindroma Mayer-Rokitansky-Küster-Hauser (MRKH). Ky problem prek mbi 5000 gra në Mbretërinë e Bashkuar.

Në maj, gruaja e parë në Spanjë që kishte realizuar një transplant të mitrës lindi në Klinikën Spitalore të Barcelonës. Vitin e kaluar, mjekët francezë kryen transplantin e tyre të dytë të suksesshëm të mitrës. Transplanti i parë i suksesshëm në Francë u krye në mars 2019 në një paciente që tani është në pritje të fëmijës së saj të dytë.