Pasagjerëve që fluturojnë me Korean Air në javët e ardhshme mund t’u kërkohet të ndërmarrin një hap shtesë përpara se të hipin në aeroplan… të hipin në peshore. Megjithatë, politika nuk ka të bëjë fare me “diçka turpëruese”. Korean Air është një nga linjat ajrore të shumta në mbarë globin që kërkohet të marrë periodikisht të dhënat e peshës së aeroplanit.

Sipas një njoftimi nga linja ajrore, programi do të prekë disa udhëtarë që nisen nga Aeroporti Ndërkombëtar Gimpo (GMP) nga 28 gushti deri më 3 shtator dhe nga Aeroporti Ndërkombëtar Incheon (ICA) midis 8-19 shtatorit. Pasagjerët dhe bagazhet do të peshohen në mënyrë anonime dhe të dhënat më pas do të ndahen me Ministrinë e Tokës, Infrastrukturës dhe Transportit të vendit.

Nëse një pasagjer do të preferonte të mos mblidheshin të dhënat e peshës së tij, Korean Air konfirmon se ai mund ta bëjë këtë duke njoftuar një anëtar të stafit. Por ndërsa disa udhëtarë mund të jenë të befasuar kur e gjejnë veten përballë një kërkese të tillë, ky vendim nuk merret nga linjat ajrore, shpesh është i mandatuar nga rregullatorët qeveritarë të linjave ajrore.

Në fillim të këtij viti, Air New Zealand kreu një program të ngjashëm me disa nga klientët që fluturonin linjat e saj ndërkombëtare, si udhëtimi ultra i gjatë midis Auckland dhe JFK të Nju Jorkut. Kjo është një nismë “e rëndësishme” për të garantuar “operimin e sigurt dhe efikas të aeroplanit”, sipas Air New Zealand, dhe është gjithashtu një kërkesë e Autoritetit Kombëtar të Aviacionit Civil. Pasagjerët e kësaj kompanie janë peshuar në fluturimet e brendshme në vitin 2021 dhe tani që janë krijuar udhëtimet ndërkombëtare pas pandemisë së koronavirusit, është koha që të peshohen edhe ato në fluturimet ndërkombëtare.

Është shkruar më parë se matja e peshës së çdo pasagjeri përpara një fluturimi mund të rrisë sigurinë dhe të zvogëlojë dëmtimin mjedisor të shkaktuar nga çdo fluturim. Aktualisht, linjat ajrore përdorin “masën e supozuar”, duke vlerësuar peshën totale të pasagjerëve duke përdorur numrat e paracaktuar.