Ata janë padyshim një nga dyshet më të komentuara të momentit. Bëhet fjalë për Fifi dhe Graniti. Të dy ata kanë shprehur edhe pëlqim për njëri-tjetrin.

Mirëpo nuk kanë qenë të paktë as banorët që kanë aluduar se artistja është përfshirë shumë në këtë raport, ndryshe nga Graniti, për të cilin jo rrallëherë thuhet se po e përdor Fifin.

Një gjë e tillë është komentuar dhe nga publiku jashtë shtëpisë më të famshme në vend.

Së fundmi, njëri nga miqtë më të mirë të Fifit, balerini i njohur, Graciano Tagani ka thënë se Graniti po e shfrytëzon Fifin për lojë, pasi nëse s’do ishte këngëtarja aty, ai do të dilte i pari dhe jo Elhaidi.

“Graniti po e shfrytezon, kjo gjë nuk diskutohet. Nëse Fifi s’do ishte aty, Graniti do dilte i pari, e jo Elhaidi. Ai thjesht është “mbështetja” e Fifit aty”, u shpreh Graciano Tagani.

Ndër të tjera, balerini ka treguar se mikja e tij nuk është ajo që është dukur këto ditë qëndrimi në shtëpi, pasi sipas tij hapësira e kufizuar po e penalizon atë.