U largua nga grupi i punës në WhatsApp, shkarkohet punonjësi!
Një punëtor në sektorin e hotelerisë në Cádiz të Spanjës u pushua nga puna pasi u largua nga grupi i WhatsApp-it të punës, në të cilin kompania dërgonte oraret me turnet e punonjësve, jepte informacione për çështjet e punës dhe kontrollonte veprimtarinë e personelit. Sipas versionit të ofruar nga punonjësi, vendimi për t’u larguar nga grupi u motivua nga vendimi i kompanisë që punonjësit e saj të dërgonin foto dhe video të asaj që bënin çdo ditë.
Pasi u largua nga grupi, punëtori deklaroi se kishte marrë presion nga kompania për t’u kthyer në grup. Duke e ditur se kompania nuk mund ta përfshinte në grup pa pëlqim dhe duke pasur parasysh refuzimin e tij për të qenë pjesë e atij grupi, ai u shkarkua nga kompania. Më pas, punonjësi ka bërë denoncim pranë sindikatës, duke konsideruar se i janë shkelur të drejtat si punonjës. Sindikatat denoncojnë se mënyra se si vepron kompania supozon shkelje si të ligjit për mbrojtjen e të dhënave personale dhe garantimin e të drejtave digjitale, si dhe të së drejtës për shkëputje digjitale dhe respektimin e privatësisë.