Spermën e salmonit, mund ta kemi dëgjuar nga Jennifer Aniston, por së fundmi është kthyer në domosdoshmëri që të përfshihet në fushën e bukurisë dhe antiplakjes. Pas gjurmës së kërmillit, sperma e salmonit është një mënyrë e re premtuese për të vonuar plakjen. Ekspertët e bukurisë dhe kërkime të ndryshme pohojnë se sperma e salmonit ka përfitime të shumta duke përfshirë veprime rigjeneruese dhe antiinflamatore.

Sperma e salmonit ka qenë një element kryesor në produktet e bukurisë në Kore për shumë vite. Koreanët “duket se kanë gjithmonë produktet më të mira dhe më efektive të kujdesit të lëkurës”, tha Dr. Kenneth Beer, një dermatolog kozmetik në West Palm Beach, Florida.

Sipas ekspertëve, ADN-ja e nxjerrë nga sperma e salmonit “ka veti të fuqishme rigjeneruese, të cilat nuk funksionojnë në sipërfaqe, por zhyten thellë në lëkurë, duke inkurajuar qarkullimin e qelizave që, nga ana tjetër, ndihmon në tërheqjen e lëkurës dhe ruajtjen e elasticitetit të saj”. Gjithashtu, thuhet se ADN-ja e natriumit ndihmon në parandalimin e rrudhave dhe plakjes së lëkurës duke mbrojtur nga rrezet UV.

Ajo rigjeneron qelizat e lëkurës dhe ndihmon në trajtimin e shenjave të akneve, ngushtimin e poreve të lëkurës, ndriçimin e ngjyrës së lëkurës. Në vitin 2017, studiuesit vendosën një shtresë të spermës së salmonit dhe panë se lëkura ishte e mbrojtur nga rrezatimi i dëmshëm UV. Një studim i vitit 2010 i botuar në International Journal of Cosmetic Science zbuloi se ADN-ja në spermë përmban përmbajtje më të lartë uji, elasticitet të rritur, nivele më të forta kolagjeni dhe rritje të prodhimit të acidit hialuronik.