Epic Games, prodhuesi i Fortnite, tha së fundmi se do të pushojë nga puna 16% të stafit, rreth 830 punëtorë. Drejtori ekzekutiv Tim Sweeney në një letër drejtuar punëtorëve tha se kompania e videolojërave kishte shpenzuar më shumë sesa fituar, duke investuar në evolucionin e ardhshëm të “Epic”. “Unë kisha qenë prej kohësh optimist se ne mund ta kalonim këtë tranzicion pa pushime nga puna, por në retrospektivë shoh se nuk është e mundur”-shkroi Sweeney në letrën e drejtuar kompanisë.

Ai shtoi se Epic planifikon të largohet nga platforma muzikore e pavarur në internet Bandcamp, të cilën e bleu vitin e kaluar dhe që tani do të blihet nga firma e tregut muzikor Songtradr. Epic gjithashtu do të shndërrojë pjesën më të madhe të ndarjes së saj të marketingut SuperAwesome në një kompani të pavarur.

Pushimet nga puna e Epic janë vetëm shkurtimet më të fundit të vendeve të punës për të goditur industrinë e teknologjisë, e cila u detyrua të përshtatej pasi rritja mahnitëse që panë shumë kompani gjatë kulmit të pandemisë Covid-19 filloi të ngadalësohej. Meta, Microsoft, T-Mobile, Lyft dhe të tjerë kanë reduktuar fuqinë e tyre të punës në fillim të këtij viti.