U dha zë të pathënave, Nobeli në Letësri i shkon shkrimtarit norvegjez, Jon Fosse!
Shkrimtari norvegjez, Jon Fosse fitoi sot çmimin Nobel në Letërsi. Në dhënien e motivacionit, Akademia Suedeze njoftoi:
Fosse e fitoi çmimin për dramat dhe prozën e tij novatore, që u japin zë të pathënave!
I përshkruar nga kjo akademi “si një nga dramaturgët më të njohur dhe më të interpretuar të kohës sonë, gjithashtu, ai është i vlerësuar për prozën e tij”.
Shkrimi i tij ekspozon humbjen e orientimit të njeriut.
Shkrimtar, poet dhe dramaturg, Jon Fosse u lind në Haugesund në vitin 1959.
Intelektual i shumanshëm, bëri debutimin në vitin 1983 me romanin “Raudt, svart” (“E kuqe, e zezë”), dhe më pas eksperimentoi me narrativën e shkurtër, poezinë, letërsinë jofiction dhe atë për fëmijë.
Në dramën e tij të parë ”Nokon kjem til å komme” (“Diçka po vjen”) Fosse e tregon veten si një shkrimtar i kursyer por i pamëshirshëm, gati për të kapur të gjitha kontradiktat, që nga qëndrueshmëria e komunikimit, hendeku mes brezave dhe pasiguria e marrëdhënieve familjare e në çift.
Veprat e tij më të arrira janë “Natta syng sine songar” (“Dhe nata këndon”), “Eg er vinden” (“Unë jam era”) deri te më e fundit “Morgon og kveld” (“Mëngjes dhe mbrëmje”).
Ai është Kalorës i Urdhrit Kombëtar të Meritës të Republikës Franceze që nga viti 2007.