Furra është një nga pajisjet më të përdorura në kuzhinë dhe për pasojë vjen shumë erë e keqe. Për fat të mirë, ka disa përbërës natyralë që mund t’ju ndihmojnë ta pastroni. Molla ka aftësinë të neutralizojë aromat dhe të parfumojë këndshëm mjedisin. Merrni një mollë dhe qërojeni, priteni në 4 pjesë dhe piqeni në furrë për rreth 15 minuta në 180 gradë.

Limoni nga ana tjetër ka veti të neutralizojë aromat. Përgatisni një përzierje me 500 ml ujë dhe 150 ml lëng limoni, hidheni në një shishe dhe spërkateni në të gjithë sipërfaqen e furrës, duke përfshirë edhe pjesët anësore. Një alternativë për përdorimin e limonit është të merrni një tepsi, ta mbushni me pak ujë dhe të vendosni lëngun e tre limonëve. Në këtë moment ndizni furrën në temperaturë të ulët dhe lëreni të paktën gjysmë ore që të avullojë uji me limonin.

Pasi të fiket furra, lëreni tavën ende brenda me derën e mbyllur dhe lëreni furrën të thahet. Në fund, kaloni një leckë mbi të gjitha sipërfaqet. Në vend të limonit, mund të përdorni edhe uthull. Bëni një përzierje me ujë dhe uthull dhe spërkateni në të gjitha sipërfaqet e furrës. Lëreni të veprojë për pak dhe shpëlajeni. Mund të përdorni edhe lëkurat e portokallit për t’i futur në tepsi. Piqini në temperaturë jo shumë të lartë për rreth gjysmë ore. Edhe soda e bukës, e njohur për vetitë e saj kundër aromave, është perfekte për të zgjidhur problemin. Krijoni një pastë duke përzier sodë buke me ujë dhe më pas fërkojeni në furrë. Mund ta kombinoni sodën e bukës me uthull.