Një letër e shkruar nga Kristofor Kolumbi, e cila njoftoi zbulimin e Amerikës u shit nga shtëpia e ankandeve Christie’s për shifrën rekord të 3.9 milionë dollarëve. Letra me tetë faqe, e njohur dhe me emrin, “De Insulis Nuper Inventis”, drejtuar nga Kolombi Mbretit Ferdinand II të Spanjës dhe Mbretëreshës Isabella, vjen nga një koleksion privat zviceran dhe shtëpia e ankandeve thotë se ka bërë kërkime të gjera për t’u siguruar që nuk është e rreme. Në muajin korrik, një version tjetër i inkunabulumit të vjedhur nga Marciana që përfundoi në duart e një koleksionisti në Dallas, u kthye në Itali.