“Dancing With The Stars” është programi më popullor i kërcimit që bën bashkë personazhet më të dashur, që si kurrë më parë i shihni duke kërcyer në një shumëllojshmëri disiplinash. Së bashku me balerinët profesionistë, javë pas jave, VIP-at sfidojnë veten, në kërkim të pikëve të jurisë dhe votave të publikut, duke synuar çmimin e madh.

“Dancing With The Stars”, show-n magjik i kërcimit, i cili u mirëprit nga shqiptarët në të gjithë botën, pasi jo vetëm gjatë transmetimit live, por edhe klikimet në Youtube dhe ndjekësit në Instagram e vërtetojnë këtë. Edhe nata e sotme padyshim që është një garë mjaft e fortë mes konkurrentëve.

Një surprizë mjaft e bukur erdhi këtë herë. Të premten e ardhshme do të jetë një mbrëmje e paharruar mbushur plot kërcim e muzikë, dedikuar një artisti mjaft të veçantë. Ai është pikërisht Alban Skënderaj, i cili do të jetë në spektakël për të erformuar hitet e tij më të njohura në skenën magjike të kërcimit.