Fatkeqësisht ka ndërruar jetë në moshën 64-vjeçare ylli i “I’m A Celebrity” dhe prezantuesja e famshme, Annabel Giles. E ndjera prej disa muajsh ishte diagnostikuar me tumor në tru. Ajo ishte më e njohur për bashkë-prezantimin e “Frocks And New Trousers” me Sarah Greene. Me anë të një deklarate në Instagram fëmijët e Annabel deklaruan se:

Në korrik, mamaja u diagnostikua me një Glioblastoma të fazës 4, një tumor malinj i trurit me rritje të shpejtë dhe shumë agresiv. Në katër muajt që pasuan, ajo shfaqi forcë të jashtëzakonshme, pavarësisht se iu nënshtrua një operacioni në tru dhe radioterapive të panumërta. Në javët e saj të fundit, ajo ishte e apasionuar pas ndërgjegjësimit për Glioblastoma, duke mishëruar angazhimin e saj të përjetshëm për të ndihmuar të tjerët. Ju falënderojmë për dashurinë dhe mbështetjen tuaj dhe ju kërkojmë me dashamirësi që të respektoni privatësinë tonë në këtë kohë sfiduese.

Rikujtojmë se Giles u shfaq në programet si “Have I Got News For You”, “Shooting Stars” dhe “Through The Keyhole”. E ndjera ishte martuar më parë me Midge Ure dhe ndan me të një vajzë, Molly McQueen. Pas ndarjes nga Midge në 1989, Giles lindi fëmijën e saj të dytë, djalin Tedd Giles.