Reperi i njohur, Drake na ka befasuar sërish teksa ka nxjerrë videoklipin e këngës “Polar Opposites” ku ai përmend kryeqytetin e Kosovës, Prishtrinën.

“Ose është mesazhi yt që po e lexoj gabim, ose thjesht veprimet tuaja janë mashtruese. Nuk e di se si i bëjnë gjërat në Prishtinë, por e di që tensioni po rritet”, thuhet në vargjet e këngës.

Por tani që muzika u plotësua me figurë, në videoklip reperi kanadez shfaqet gjatë gjithë kohës i veshur me një xhaketë të kuqe, e cila në shpinë ka të stampuar shqiponjën dy-krenare.