Një 33-vjeçar ka mbetur i plagosur me armë zjarri, pas një konflikti për motive të dobëta mes disa personash në orët e para të mëngjesit të sotëm në lagjen nr. 3, Korçë.

Veç 33-vjeçarit, u dëmtua me mjete të forta edhe tjetër, ndërsa policia po identifikon autorët e dyshuar të ngjarjes dhe vijon punën për kapjen e tyre.

Konflikti  mes tyre nisi fillimisht në ambientet e një lokali dhe më pas jashtë ambienteve të tij, ndërsa mbeti i plagosur në këmbë I. H., 33 vjeç dhe i dëmtuar me mjete të forta A. Q., të cilët u dërguan për mjekim në spitalin e Traumës në Tiranë.

Shërbimet e Policisë, kanë shoqëruar në ambientin e Komisariatit dhe po marrin në pyetje, persona të cilët kanë dijeni për ngjarjen.

Si rezultat i veprimeve të para hetimore u bë i mundur identifikimi i autorëve të dyshuar të kësaj ngjarjeje dhe po punohet për kapjen e tyre.

Njoftimi i policisë:

Në orët e para të mëngjesit të sotëm, në lagjen nr. 3, Korçë, si pasojë e një konflikti për motive të dobëta, midis disa personave, të nisur më herët në ambientet e një lokali dhe më pas jashtë ambienteve të tij, ka mbetur i plagosur në këmbë me armë zjarri shtetasi I. H., 33 vjeç dhe i dëmtuar me mjete të forta shtetasi A. Q., të cilët u dërguan për mjekim në spitalin e Traumës Tiranë.

Shërbimet e Policisë, kanë shoqëruar në ambientin e Komisariatit dhe po marrin në pyetje, persona të cilët kanë dijeni për ngjarjen.

Si rezultat i veprimeve të para hetimore u bë i mundur identifikimi i autorëve të dyshuar të kësaj ngjarjeje dhe po punohet intensivisht për kapjen e tyre. Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes.