Aktorja e njohur Amanda Bynes ka zbuluar së fundmi se ka bërë një operacion estetik në sytë e saj. “Pashë disa histori në internet që thonë se kam një pamje të re dhe nuk kam qenë kurrë e hapur për këtë më parë, por në fakt kam bërë një operacion blefaroplastik në palosjet e lëkurës në cepat e syve,”-tha aktorja e “Hairspray” në një videoselfie të postuar në InstaStory.

Ishte një nga gjërat më të mira që mund të kisha bërë për vetëbesimin tim dhe më bëri të ndihesha shumë më mirë në lëkurën time. 

Prindërit e aktores, Lynn dhe Rick Bynes, më parë ngritën shqetësime në lidhje me planet e vajzës së tyre për të bërë një operacion plastik. Bynes kohët e fundit u shtrua në një spital psikiatrik në mënyrë që të mund të shërohej nga një episod psikotik që e bëri të dalë rrugëve pa rroba.

Ndërsa endej lakuriq, Amanda Bynes sinjalizoi një makinë që po kalonte dhe i tha shoferit se po dilte nga një episod psikotik dhe më pas telefonoi 911. Amanda më pas u dërgua në një stacion policie dhe mori vëmendjen menjëherë nga një person, punonjës i shëndetit mendor. Menjëherë pas kësaj, ajo u shtrua në një qendër psikiatrie, për 72-orë në mënyrë që të mund të shërohej nga gjendja e saj e shëndetit mendor.

Rikujtojmë, se Bynes kërkoi t’i japë fund kujdestarisë gati 9-vjeçare, e cila u dha prindërve të saj Lynn dhe Rick Bynes. Bynes u vendos për herë të parë nën kujdestarinë e prindërve të saj në gusht të vitit 2013, pas arrestimeve të shumta dhe abuzimit me substancat. Në vitin 2018, aktorja rrëfeu për revistën ‘Paper’ se kishte qenë esëll për katër vjet dhe falënderoi prindërit e saj që e ndihmuan atë të kthehej në rrugën e duhur.