Sekretari izraelit i mbrojtjes, Yoav Gallant, deklaroi se forcat e Mbrojtjes të Izraelit po veprojnë sipas ligjit ndërkombëtar.

Sipas tij IDF po përpiqet të minimizojë dëmin ndaj popullit civil në Gaza dhe të ndihmojë në shpërndarjen e ndihmave.

“Ne po punojmë gjithashtu me partnerë ndërkombëtarë për të lehtësuar shpërndarjen e ndihmave humanitare”, tha ai.

Më herët, kryepeshkopi katolik i Westminsterit, kardinali Vincent Nichols, tha për Sky News se vrasja e dy grave nga snajperët izraelitë brenda një kishe në Gaza ishte “vrasje gjakftohtë”.

Human Rights Watch (HRW) ka akuzuar Izraelin se po përdor “vdekjen e civilëve nga uria si një metodë lufte” në Gaza. Izraeli në kundërpërgjigje e përshkroi HRW si “antisemite dhe anti-izraelite”.

Kryeministri izraelit, Benjamin Netanyahu, deklaroi se se buxheti i mbrojtjes së Izraelit duhet të rritet me 5.5 miliardë dollarë në vit.

Deklaratën, Netanyahu e dha gjatë një aktiviteti për zgjatjen e mandatit të Guvernatorit të Bankës së Izraelit, Amir Yaron, raporton Al Jazeera.

Ndërkaq, Shefi i politikës së jashtme të BE-së, Josep Borrel ka bërë thirrje për një pauzë humanitare në Gaza.

Përmes një postimi në rrjetet sociale, Borrell shprehet se në Gaza janë vrarë shumë civilë.