Një ngjarje e rëndë është regjistruar mëngjesin e sotëm në juglindje të vendit. Në fshatin Oseckë të Kolonjës, një person u gjet i djegur në një kasolle bagëtish.

Nga informacionet paraprake, mësohet se viktima është rreth 40 vjeç. Policia u njoftua nga vëllai i tij, i cili informoi se dje në mbrëmje ishin duke konsumuar alkool e më pas 40 vjeçari u largua për te kasollja.

Dyshohet se aty mund të ketë ndezur zjarr dhe nga pakujdesia flakët janë përhapur kudo, ndërsa 40 vjeçari është djegur brenda. Policia ndodhet në vendin e ngjarjes, për zbardhjen e rrethanave.