Një burrë gjerman theu rekordin botëror Guinness pasi konsumoi një filxhan kafe për 3.12 sekonda. Organizata për regjistrimin e rekordeve njoftoi se Felix von Meibom fitoi titullin për kohën më të shpejtë të pirjes së një filxhan kafeje teksa rekordi u thye në Frankfurt.

 

View this post on Instagram

 

A post shared by Guinness World Records (@guinnessworldrecords)

Siç raportohet, Von Meibom theu rekordin e Andre Ortolf të arritur në vitin 2021. Ndonëse kafja ishte e nxehtë dhe me avull, rekordmeni gjerman arriti që për pak sekonda ta pinte kafen. Rikujtojmë, se kompania “Biohazard Coffee”, me bazë në Nju-Jork, pretendon se ka bërë kafen më të fortë në botë.

Më saktësisht, ata bënë një kafe që ka 928 mg kafeinë për filxhan 350 ml, që është dyfishi i dozës së rekomanduar të kafeinës për një të rritur, por edhe shumë më tepër se shumica e pijeve energjike në tregun botëror. Rekomandimi i ekspertëve mjekësorë është që të rriturit lejohen të pinë deri në 400 mg kafeinë në ditë, e cila, në varësi të llojit të kafesë që pini, mund të jetë diku nga dy deri në dhjetë filxhanë kafeje.