Ish sulmuesi i Realit Madridit u transferua në kampionatin e Arabisë Saudite duke ndjekur shembullin e Cristiano Ronaldos apo Neymar të cilët fitojnë shuma marramëndese parash. Nuk ka kaluar shumë kohë që kur Karim Benzema u largua nga Reali i Madridit për të provuar dhe ai fatin në Arabinë Saudite. Reali nga ana e tij e ka vuajtur jo pak largimin e tij, teksa rendimenti para porte pa francezin ka rënë ndjeshëm. Karim Benzema përballet me probleme serioze në klubin e tij aktual në Arabinë Saudite, Al Ittihad. Sipas informacioneve ekskluzive nga Marca, lojtari nuk është paraqitur për rinisjen e sezonit dhe me vendim të trajnerit Marcelo Gallardo, nuk do të marrë pjesë në stërvitjen që skuadra do të kryejë në Dubai. Zhdukja e Karim Benzemasë nga ditët e fundit të Al-Itihad tashmë ka një shpjegim. Realiteti është se francezi nuk po kalon një kohë të mirë në klubin e tij të ri. Tashmë është një sekret i hapur që gjithnjë e më shumë njerëz mendojnë se ishte një gabim transferimi në Lindjen e Mesme.

Karim Benzema thuhet se po mendon një largim nga Al Ittihad, pavarësisht se iu bashkua skuadrës vetëm shtatë muaj më parë pas ndarjes me Real Madridin. Sipas gazetarit Fabrice Hawkings nga RMC Sport, ylli francez mund të kthehet në ish-klubin e tij, Lyon, aty ku sulmuesi filloi karrierën e tij. Gjatë kohës së tij me Les Gones, Karim shënoi 66 gola dhe 27 asistime në 148 ndeshje përpara se të largohej për në Madrid në moshën 22-vjeçare.

Katërmbëdhjetë vjet më vonë, skuadra e Ligue 1 është e prirur për një rikthim në shtëpi të ish-yllit të tyre, megjithëse aspektet financiare të marrëveshjes mund të jenë një problem. Benzema, aktualisht një nga lojtarët më të paguar në Arabinë Saudite, që fiton 100 milionë euro në vit dhe do të duhet të pranojë një ulje të konsiderueshme të pagës që të ndodhë lëvizja. Lyon nuk është skuadra e vetme që përpiqet ta rikthejë Benzeman në Evropë, pasi skuadrat e Ligës si Arsenali dhe Manchester United po ndjekin gjithashtu nga afër situatën e tij.