Një statujë që u zhduk nga Louisville gati 30 vjet më parë është kthyer në qytet nga një burrë që e kishte në oborrin e tij. David Greer tha se babai i tij punoi në një projekt rinovimi në vitin 1996 në Belvedere, kur ai solli statujën në shtëpi. Statuja përshkruan perëndinë greke Pan duke luajtur në flaut.

“Unë nuk e kisha idenë se çfarë ishte. Dua të them, ishte vetëm ky djalë i vogël që luante një flaut”-tha motra e Greer, Sheri Eckl për WLKY-TV. Ndërsa, Greer tregoi se vendosi të bënte disa kërkime për historinë e statujës në dhjetor dhe zbuloi se Departamenti i Arteve Publike të Louisville Metro kishte qenë në kërkim të veprës së artit, e cila u krijua nga artistja Charlotte Price.

“Ai i bashkoi dy dhe dy, zgjati dorën drejt qytetit dhe tha: “Hej, unë mendoj se ne kemi diçka që të përket ty”. Kështu që ai ishte shumë i interesuar ta kthente atë në qytet dhe ne jemi shumë të lumtur që e kemi rikthyer”,-u shpreh Jessica Kincaid, drejtoresha e Zyrës së Arteve Kreative të qytetit.