Ylli i muzikës pop Adele ka paralajmëruar katër koncerte në një stadium të ndërtuar posaçërisht për të në Mynih të Gjermanisë, këtë verë. Koncertet do të zhvillohen në një ambient të hapur me kapacitet 80.000 vendësh në qytetin gjerman në datat 2, 3, 9 dhe 10 gusht. Arena e porositur do të ketë një kombinim të tribunave të ulura dhe zonave në këmbë me kapacitet për 80.000 njerëz në natë.

Kjo do të jetë hera e parë që këngëtarja do të performojë në kontinentin e Evropës që nga turneu i saj i fundit në 2016. Ajo tha se nuk kishte planifikuar më shfaqje pas rezidencës së saj aktuale në Las Vegas dhe dy shfaqjeve në Londër në 2022. Por ylli i popit tha se ishte tunduar nga oferta e një stadiumi të vetëm.

“Nuk mund të mendoja një mënyrë më të mrekullueshme për të kaluar verën time dhe për ta mbyllur këtë fazë të bukur të jetës dhe karrierës sime me shfaqje më afër shtëpisë, gjatë një vere kaq emocionuese”,-ka shkruar Adele në rrjetet sociale. Regjistrimi i biletave është i hapur deri më 5 shkurt, ndërsa parashitja do të fillojë më 7 shkurt. Adele njihet më së shumti për hitet si Easy On Me, Hello, Someone Like You dhe Rolling in the Deep.

Ndërkaq, thuhet se Adele dhe partneri i saj Rich Paul kanë nënshkruar një marrëveshje paramartesore për të mbrojtur pasurinë e saj prej 220 milionë dollarësh. RadarOnline pretendon se miqtë e Adele ishin ata që e kërkuan të vendoste kontratën paramartesore për të mbrojtur pasuritë e saj. Adele ka një pasuri prej 220 milionë dollarësh për të mbrojtur, e cila përfshin fitimet e saj nga koncertet, shitjet e katër albumeve të saj dhe 34 milionë dollarë të tjera në shitje digjitale.