Herpesi është një fenomen i pakëndshëm që shfaqet shpesh për shkak të ekspozimit ndaj një infeksioni. Fillon me një kruajtje të lehtë, djegie ose ndjenjë të nxehtësisë dhe më pas del herpesi. Kjo simptomë prek një numër të madh personash të infektuar me infeksione të ndryshme virusale. Mund të ndodhë edhe në gjendjen që ne e quajmë “ftohje e zakonshme”.

Herpesi mund të shfaqet kudo në fytyrë, por ato zakonisht shfaqen rreth gojës dhe duken të shëmtuara. Çfarë mund të bëjmë për të hequr qafe herpesin? Në pesë ditët e para pas shpërthimit të herpesit, ilaçet antivirusale në formë pomadash apo kremrash mund të ndihmojnë në mjekim.

“Gjithmonë rekomandoj të vendosni një fashë mbi herpesin, sepse përshpejton shërimin, por fsheh edhe zonën e prekur, e cila shpesh duket e pakëndshme”,-thotë dermatologia Emma Craythorne. Përveç kësaj, zvogëlon rrezikun e infektimit të një personi tjetër. Në raste të rënda mund të ndodhë që herpesi të përhapet në të gjithë fytyrën, të shfaqet ekzema ose të përhapet në pjesë të tjera të trupit.

Ndërkaq, simptomat e para të herpesit gjenital ndonjëherë ngjajnë me ato të një ftohjeje të zakonshme. Herpesi gjenital është një sëmundje seksualisht e transmetueshme. Ajo prek anëtarët e të dy gjinive, por është më e zakonshme te gratë. Është vlerësuar se një në gjashtë gra të reja seksualisht aktive mund të jetë e infektuar me herpes gjenital. Shumica dërrmuese e njerëzve infektohen kur kanë kontakt seksual me dikë që nuk i ka shfaqur ende simptomat e para të herpesit gjenital. Virusi herpes mund të jetojë në trup për disa vite, pa u shfaqur.