Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.

Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”. Ndërkohë, të ftuar sot në “Big Brother Radio” ishin ish-banorja e “BBV3” Dea Vieri dhe djali i një prej konkurrentëve aktualë, Rei Ujkashi. E eleminuar vetëm pak ditë më parë, Dea përshkruan eksperiencën e “BBV3”, teksa zbulon se pse nuk u lidh me asnjërin prej banorëve.

Ndër të tjera, ish banorja Dea Vieri ka komentuar lojën e banorëve në “BBV3”.

Unë e kam thënë që kisha piketuar disa persona që kisha ndërmend të debatoja. Unë shihja potencial te Egla, Ilnisa. Për mua Romeo përpiqej, por nuk e konsideroja shumë lojtar të fortë, në mënyrën si argumentonte ishte pak i vakët.

Por si i ka ndryshuar nominimi banorët?!

Meritoni e ka ndjerë shumë presionin e nominimit, ka krijuar situata kot. Roza ka filluar lutjet e veta. Eglën e kam parë të qetë, mendoj se nuk e meriton te dalë. Aktron në shumë situata, është një aktore e mrekullueshme. Kam frikë se mund të dalë Graciano…