Një “mama” është burgosur pasi falsifikoi 17 shtatzëni gjatë 24 viteve, në mënyrë që të përfitonte pothuajse 111 mijë euro nga leja e lehonisë. Barbara Ioele, 50 vjeçe, pretendoi në mënyrë të rreme se kishte pasur pesë fëmijë dhe 12 aborte ndërsa në bark kishte vënë jastëkë për të krijuar idenë se ishte shtatzënë. Ioele, nga Roma gjithashtu falsifikoi ecjen e saj duke u dukur se mbante një fëmijë dhe mori një kohë të konsiderueshme pushimi nga puna. Gruaja mohon të gjitha akuzat dhe vazhdon të pretendojë se pesë fëmijët e saj ekzistojnë dhe se të gjitha shtatzënitë e saj, përfshirë abortet, ishin të vërteta.

Ioele pretendoi se kishte lindur fëmijën e saj të fundit në dhjetor, por policët thanë se ajo kishte qenë nën vëzhgim për nëntë muajt e mëparshëm dhe se e gjithë shtatzënia ishte një mashtrim. Prokurorët e akuzojnë gruan se ka kryer mashtrimin e dyshuar duke vjedhur certifikatat e lindjes nga një klinikë në Romë dhe dokumente të tjera të falsifikuara. Ajo thuhet se e ka bërë këtë që nga viti 2000.

Davide Pizzinato, partneri 55-vjeçar i Ioele, thuhet se informoi policinë gjatë marrjes në pyetje se ai e dinte se ajo nuk ishte kurrë shtatzënë. Ai besohet se ka dëshmuar kundër saj në këmbim të një dënimi më të vogël, pavarësisht se është akuzuar si partneri i saj në mashtrim. Avokati i saj thuhet se tregoi dy certifikata, jo të lehonisë, të cilat vërtetonin gjendjen e saj të pasigurt shëndetësore. Gruaja thuhet gjithashtu se ka “shpikur” një baba të rremë për foshnjën e dyshimtë, një burrë të quajtur Bran Otmembebwe.