E ftuar në emisionin ‘Ndryshe‘ në Top Albania Radio ishte modelja njohur Belinda Dragoti, tashmë së fundmi edhe pjesë e emisionit ‘Rrethi Katror‘! Përveç shkëlqimit dhe bukurisë, modelja dallohet për elokuencën dhe mënyrën e saj të shkëlqyer të komunikimit, edhe pse në një moshë relativisht shumë të re duhet thënè. Fillimisht Belinda foli rreth eksperiencës së saj më të re në aktrim në filmin më të fundit:

Më trembi në fillim oferta dhe kjo puna e aktrimit sepse nuk e kisha testuar potencialin tim në aktrim por u kthye në një eksperiencë shumë të bukur. Jemi kënaqur pa fund, kombinuar me profesionalizmin dhe doli fiks ajo që duhet të dilte. Kështu që më bëri të konsideroj edhe për projekte të tjera aktrimin. 

E pyetur nëse është në një lidhje apo beqare, bukuroshja mori një moment dhe u përgjigj me finesë:

Lidhur me pjesën e jetës private mund të them që ajo është private por jo sekret. Jeta ime është shumë stabël dhe jam e lumtur prej vitesh. ( duke lënë të nënkuptohet se ajo është në lidhje dashurie)

Cilat janë tre kërkimet e fundit në telefonin tënd?

E fundit ishte emsioni i juaj. (qesh) Pastaj është emri dhe një fjalë që kam përkthyer.