Gjetja e rrugës duket se po bëhet më e lehtë falë një ndryshimi të ardhshëm në Google Maps. Përdoruesit kanë vërejtur një veçori të re dhe potencialisht domethënëse që po vjen në aplikacionin popullor të përdorur nga miliona njerëz. Shpeshherë kemi hasur në probleme për gjetjen e hyrjes së duhur, veçanërisht në objekte më të mëdha.

Ky problem mund të jetë pjesë e së kaluarës pas funksioni i ri tregon qartë pikat e hyrjes dhe daljes së një ndërtese. Mesa duket, simbolet shfaqen vetëm kur zgjidhni një vend në hartë dhe e zmadhoni mjaftueshëm. Ende mbetet e paqartë se kur Google do ta zyrtarizojë këtë funksion dhe kur ai do të jetë i disponueshëm për të gjithë, por çfarë dihet me siguri është se kjo veçori do t’u kursejë njerëzve shumë kohë.

A e dini se Google Maps ka një opsion që ju lejon të “udhëtoni në kohë”? Është një veçori që nuk është shumë e lehtë për t’u gjetur në shikim të parë, por ky truk mund t’ju lejojë lehtësisht të shihni se si dukej dikur rruga juaj. Gjithçka bëhet përmes segmentit Street View, të cilin Google e ka lanëuar shumë kohë më parë. Pamjet e rrugëve janë përditësuar, por kjo nuk do të thotë që të vjetrat janë fshirë. Ky është pikërisht fakti nga i cili mund të përfitoni dhe është mjaft e lehtë:

E gjitha çfarë duhet të bëni është të hapni Google Maps, zgjidhni vendndodhjen ose adresën që dëshironi, aktivizoni Street View. Në pjesën e sipërme të majtë, nën zonën e kërkimit, do të shihni “See more dates” (shiko më shumë të dhëna”. Zgjidhni këtë dhe do të shihni të gjitha pamjet e mëparshme të vendeve. Në ditët e sotme, duket pothuajse e pamundur të mbash sekret diçka si vendndodhja juaj.