Zjarr i madh në Nikël të Fushë-Krujës, rrezikohen edhe banesat

vovalbania August 05, 2022 0 koment 1 Mund të lexoni në minuta.
Zjarr i madh në Nikël të Fushë-Krujës, rrezikohen edhe banesat

Një zjarr i fuqishëm ka përfshirë zonën mes fshatit Zeze dhe Vrionit në Nikël të Fushë-Krujës. Zjarri i rënë po djeg sipërfaqe të mëdha pyjesh të ulëta me shkurre e pemë dhe po merr përmasa të mëdha.

Për shuarjen dhe neutralizimin e flakëve ka ndërhyrë reparti zjarrfikës i Krujës, të cilët po përpiqen të lokalizojnë flakët.

Ekziston rreziku që zjarri të përfshijë banesat.

Gjithashtu një vatër e madhe zjarri është riaktivizuar gjatë ditës së sotme në fshatin Malaj të Mirditës.

Flakët janë përhapur në disa drejtime në masivin pyjor të kësaj zone, duke vënë në rrezik 5 banesa që ndodhen aty.

Në terren ndodhet një automjet zjarrfikës, por deportimi është mjaft i vështirë për shkak te terrenit të thyer malor.

Në këto kushte po ndërhyhet me mjete rrethanore nga banorë të zonës, të cilët kerkojnë ndihmën e autoriteteve për vënien nën kontroll të këtij zjarri.

Ndërkaq një tjetër vatër zjarri është konstatuar pasditen e sotme në Sarandë. Flakët e ndihmuara dhe nga era po djegin një ullishte në Bajkaj, shumë pranë rrugës Sarandë–Kardhiq. Zjarri rrezikon të përhapet edhe në ullishte dhe vreshtat e tjera përreth.

Biletë:

vovalbania

Redaktori nuk ka dhënë ende asnjë informacion për veten e tij.

Total 42379 ka shpërndarë postimin.
MEDIAT SOCIALE