Shkencëtarët kanë vërtetuar se njerëzit shumë inteligjentë pëlqejnë të kalojnë më shumë kohë vetëm sesa në shoqërinë e të tjerëve. Disa shkencëtarë nga Singapori dhe Britania kryen një hulumtim me 15 mijë persona dhe u tregua se në shumicën e rasteve njerëzit preferojnë shoqërinë sesa vetminë. Megjithatë, përjashtim bëjnë njerëzit me inteligjencë më të lartë se mesatarja. Ata pëlqejnë të jenë vetëm dhe arsyeja mund të fshihet në evolucion.

Psikologët thonë se mënyra e jetesës së paraardhësve tanë të lashtë përbën bazën e asaj që na bën të lumtur në epokën moderne. Duke marrë parasysh që njerëzit nuk kanë më nevojë të shoqërohen për të pasur ushqim të mjaftueshëm dhe për të mbijetuar, ekziston një probabilitet që njerëzit inteligjentë mbi mesataren, duke qenë se janë evolucionarisht më të avancuar, nuk kanë nevojë të lidhen me të tjerët.

Një shpjegim tjetër është se ata janë thjesht shumë ambicioz, ndaj preferojnë të kalojnë kohë duke punuar për veten dhe përparimin e tyre, në vend që të afrohen dhe të shoqërohen me të tjerët. Rikujtojmë, se në vitin 1960, rreth 10% e të rriturve nuk ishin martuar kurrë. Në vitin 2012, ky numër u rrit në 20%. Akoma, edhe sot, beqarët shpesh shihen si dështim ose çudira antisociale. Por të qenit vetëm shpesh është një zgjedhje dhe një akt kujdesi për veten e tyre. Ja pse disa njerëz zgjedhin të jenë beqarë dhe pse është po aq mirë sa të kesh një partner.