Ngjarja e rëndë e 11-vjeçares në Kosovë, reagon mamaja e Rita Orës: Ne ende mblidhemi burrat veç, gratë veç

vovalbania September 01, 2022 0 koment 2 Mund të lexoni në minuta.
Ngjarja e rëndë e 11-vjeçares në Kosovë, reagon mamaja e Rita Orës: Ne ende mblidhemi burrat veç, gratë veç

Vera Ora është nëna e këngëtares së famshme shqiptare, Rita Ora. Edhe pse ka vite që jeton në Mbretërinë e Bashkuar, ajo herë pas here reagon për ngjarjet që ndodhin në vendin e saj.

Vera është psikiatre dhe ka punuar në NHS (Shërbimi i Shëndetit Kombëtar në Mbretërinë e Bashkuar). Për këtë arsye, ajo ka vendosur që të thotë dy fjalë në lidhje me ngjarjen e rëndë të ndodhur në Prishtinë, ku një 11-vjeçare u përdhunua nga një grup prej pesë djemsh.

Nëna e Ritës ka publikuar në “Instagram” një video, ku shprehet se ky është një akt që duhet të dënohet ashpër, ndërsa ngre dhe disa pyetje të rëndësishme.

“Një akt i cili duhet të dënohet ashpër. Ne si shoqëri si e shohim dhe si e mendojmë në mendjen e atyre që e kanë bërë këtë akt. Doja të përmend disa pika që mendoj se mund të jenë të rëndësishme. Çfarë është psikologjia e atyre njerëzve dhe çfarë kanë pasur si qëllim në këtë akt aq të tmerrshëm ndaj një fëmijë 11-vjeçar? Nga aspekti psikologjik mendoj që duhet të shikohen këto raste që janë shumë komplekse me një dinamikë shumë më të madhe se sa kur të bëhet akti i dhunës”, shprehet Vera në nisje të videos.

Ngjarja e rëndë e 11-vjeçares në Kosovë, reagon

Më tej Ora shprehet se sipas saj ky grup prej 5 personash që kanë abuzuar me 11-vjeçaren, mund të jetë i drejtuar nga një lider psikopat, për të cilin duhet të kryhen hetime. Sipas saj ky mund të jetë një sulm i organizuar me ndonjë apo me ndonjë qëllim, me ndonjë hakmarrje që mund të këtë ndonjë prapavijë.

“Unë e shoh këtë si një grup të drejtuar nga një profil. Kush është lideri dhe çfarë prapavije ka pasur ai njeri dhe ata që kanë dhe ndjekësit që i kanë përcjellë dhunuesit që të bëjnë një akt kaq të tmerrshëm? Është një dukuri që duhet menduar. Mund të jetë një sulm i organizuar dhe i planifikuar shumë gjatë me një strategji, mund të them ndonjë qëllim apo ndonjë hakmarrje apo ndonjë akt i cili është bazuar në një prapvijë. Mua me qanë zemra për atë që ka mundur ta përjetojë ajo vajzë dhe traumat që ka mundur të pësojë ai fëmijë, trauma të cilat ndoshta kurrë nuk do të largohen nga jeta e saj. Si në psiqikën e saj ashtu edhe në të familjes dhe rrethit të ngushtë. Siç thashë dhe më parë ky grup e ka një udhëheqës, një psikopat udhëheqës, i cili ka bërë një ide dhe e kanë përcjellë të tjerët. Varet çfarë kushti kanë qenë ato sugjerime. Sigurisht që mund të ketë pasur ndonjë që ka rezistuar, por dihet se çfarë ndodh me ata që rezistojnë. Mund të jetë quajtur si qyqar, i dobët, jo mashkullor, jo i fortë. Kur bëhet një akti i tillë ne si shoqëri fillojmë të akuzojmë një ngjarje të tillë me të drejtë, por ndoshta është me rëndësi të shohim si shoqëri çfarë të bëhet në këto raste. Këto grupe janë të ashpra”- shprehet mamaja e Rita Orës.

Biletë:

vovalbania

Redaktori nuk ka dhënë ende asnjë informacion për veten e tij.

Total 58383 ka shpërndarë postimin.
MEDIAT SOCIALE