Pamela Anderson zbuloi arsyen pse nuk vendos më make-up, duke e quajtur përvojën të lirë, argëtuese dhe pak rebele. Në një intervistë të publikuar të enjten, Anderson i tha “Elle” se pamja e saj e re pa grim do ta bënte të kishte më shumë kontroll mbi paraqitjen e saj. Aktorja e filmit “Home Improvement”, 56 vjeç, zëvendësoi vetullat e saj super të holla dhe eyeliner-in në këmbim të një pamjeje të zhveshur dhe natyrale.

Kur grimierja e Anderson, Alexis Vogel, vdiq në vitin 2019, pasi luftoi me kancerin e gjirit, Pamela përqafoi fytyrën e saj ‘të zhveshur’. Ajo zbuloi:

Ajo ishte më e mira. Dhe që atëherë, unë thjesht ndjeva, pa Alexis, është më mirë për mua të mos vendosja grim. Vura re se kishte shumë njerëz që bënin make-up të rënduara dhe mendova të shkoja në një drejtim tjetër dhe të bëj të kundërtën e asaj që bëjnë të gjithë.

Anderson pranoi:

Mendoj se të gjithë fillojmë të dukemi paksa qesharak kur të rritemi. Dhe unë jam duke qeshur me veten time kur shikoj në pasqyrë. Unë them, “Uau, kjo është me të vërtetë … çfarë po ndodh me mua?” Është një udhëtim.

Në shkurt, autorja e “Love, Pamela” mbuloi numrin dixhital të Women’s Wear Daily pa grim dhe një varëse diamanti. Për WWD, ajo u shpreh:

Ndjehem vërtet e fuqishme tani kur gjithçka është e pakësuar”.

Anderson tha gjithashtu se ajo do të preferonte të plaket natyrshëm sesa të merrte botox dhe mbushës.

Nuk më pëlqejnë ato injeksione dhe kjo nuk funksionon për mua. Dua të shoh se çfarë do të ndodhë.