Dy vatrat aktive të zjarrit në Qeparo dhe Pilur të Himarës vijojnë të jenë aktive. Zjarri nisi që prej mbrëmjes në kodrat e dy fshatrave ndërsa ditën e sotme po bëhet e mundur shuarja e tij.

Si pasojë janë djegur kodrat me shkurre ndërsa zjarrfikësit ndodhen në zonë zjarrfikësit e Himarës të ndihmuar dhe nga një helikopter, po ashtu ditën e sotme kanë ardhur në ndihmë edhe 40 ushtar të FA.

Ndërkaq, dy persona janë arrestuar si autorë të dyshuar për zjarrvënie në fshatin Kudhës në Himarë.

Ata ndezën zjarr në një sipërfaqe pyjore të marrë me qira, me qëllim rigjenerimin e kullotës, dhe si pasojë u dogjën dhjetëra hektarë në territorin e fshatit Kudhës.

Ndërkohë është proceduar penalisht për shpërdorim detyre, një inspektor i pyjeve në bashkinë e Himarës.